by MikChu Tashi
འགྲོ་བ་མིའི་རིགས་ཀྱི་ཉིན་རྒྱུན་འཚོ་བའི་ནང་གི་བྱེད་སྒོ་ཡོད་ཚད་གློག་ཀླད་རྩིས་འཁོར་དང་དྲ་རྒྱའི་ནང་འཐིམ་ནས་འགྲོ་བཞིན་དུས་སྐབས་འདིར། རང་རེའི་བོད་ཀྱི་སྤྱི་ཚོགས་ལ་ཆ་མཚོན་ན་ཡང་ཉེ་བའི་ལོ་ཤས་ནང་དེང་དུས་ཀྱི་འཕྲུལ་ཆས་དང་དྲ་རྒྱའི་ཐོག་གི་མཐུན་རྐྱེན་ཁག་ལ་འབྲེལ་འདྲིས་ཟབ་ཏུ་ཕྱིན་ཡོད།་ ང་ཚོ་གློག་ཀླད་དྲ་རྒྱ་དང་ཅི་ཙམ་གྱིས་འབྲེལ་འདྲིས་ཟབ་ཏུ་ཕྱིན་པའི་ཚོད་ཀྱིས་དེང་རབས་ཀྱི་ཡོ་ཆས་དང་མཐུན་རྐྱེན་ཚང་མ་ཡང་དེ་ཙམ་གྱི་ང་ཚོའི་ཉིན་རྒྱུན་གྱི་འཚོ་བ་དང་ཁ་འབྲལ་ཐབས་མེད་པ་ལྟ་བུ་ཞིག་ཏུ་འགྱུར་བཞིན་ཡོད་ལ། དེ་ཡང་དྲ་རྒྱའི་སྤྱོད་སྒོ་ཤུགས་ཆེ་རུ་ཕྱིན་པའི་དབང་གིས་དེས་རིམ་བཞིན་ང་ཚོའི་མི་ཚེའི་ནང་གི་བྱ་བཞག་ཡོད་ཚད་ལ་ཡང་སྟངས་འཛིན་བྱེད་འགོ་ཚུགས་ཡོད་པ་མ་ཟད་བརྒྱུད་རིམ་དེའི་ཁྲོད་དུ་དྲ་རྒྱའི་སྟེང་དུ་ནག་ཉེས་ཀྱི་ལས་ཀའི་རིགས་ཀྱང་ཇེ་མང་དུ་འགྲོ་གི་ཡོད་པ་ཚང་མས་མཁྱེན་གསལ་ཡིན་ལ་དེའི་ཁྲོད་ཀྱི་དཔེ་མཚོན་ཆུང་ངུ་གཅིག་ཞུས་ན།་དེང་སང་ནག་ཉེས་ཅན་གྱི་མི་ཁ་ ཤས་ཀྱིས་ཆོག་མཆན་མེད་པར་མི་གཞན་གྱི་གློག་འཕྲིན་ཡིག་སྒམ་ནང་གསང་སྟབས་ཀྱི་སྒོ་ནས་འཛུལ་ཏེ་མི་དེའི་སྒེར་གྱི་གསང་བ་དང་ཡིག་ཆ་གལ་ཆེན་ཁག་རྐུ་མ་རྒྱག་གི་ཡོད་པ་རེད། རྒྱུ་མཚན་དེ་ལ་བརྟེན་ནས་ངས་འདིར་ནན་གྱིས་ཞུས་འདོད་པ་ནི་ཚད་གཞི་མཐོ་མིན་ལ་མ་ལྟོས་པར་མི་ཚང་མར་དྲ་རྒྱའི་ཐོག་གི་ཉེན་ཁའི་རིགས་ལ་འགོག་སྲུང་བྱེད་པའི་ཤེས་བྱ་དགོས་རྒྱུ་ནི་ད་ལྟའི་དུས་ཀྱི་ཁ་ཚ་དགོས་གཏུག་གི་དོན་གནད་གལ་ཆེན་ཞིག་ཆགས་འདུག དྲ་རྒྱའི་ཐོག་གློག་འཕྲིན་གྱི་མཐུན་རྐྱེན་སྤྲོད་མཁན་མང་པོ་ཡོད་ཀྱང་དེ་དག་གི་ཁྱད་ཆོས་དང་ཉེན་སྲུང་ནུས་པའི་དབར་ལ་ཁྱད་པར་ཆེན་པོ་ཡོད། དེ་ཡང་ཤེས་གསལ་ལྟར་ན། ད་ལྟའི་དུས་ཀྱི་གློག་འཕྲིན་གྱི་མཐུན་རྐྱེན་སྤྲོད་མཁན་མང་པོ་ཡོད་པའི་གྲས་ནས་རྗེ་མལ་(Gmail) དེ་གདམ་ག་ཡག་ཤོས་དེ་ཆགས་ཡོད། གང་ཡིན་ཞེ་ན། དང་པོ། རྗེ་མལ་(Gmail)་ལ་སྲུང་སྐྱོབ་ཀྱི་ནུས་པ་ཡོད། དེའི་སྐོར་བརྙན་པར་གྱི་ལམ་ནས་གཟིགས་འདོད་ཡོད་ན། དྲ་ཐག་འདི་ཐོག་ལ་བསྣུན་་ ཁྱེད་ཀྱི་གློག་འཕྲིན་ཁ་བྱང་རྗེ་མལ་ནང་བཟོས་ཡོད་པ་ཡིན་ན། རྗེ་མལ་གྱིས་རྟག་ཏུ་ཁྱེད་ཀྱི་གློག་འཕྲིན་དེ་Https་ནང་ཁ་ཕྱེ་གི་རེད་ལ། འདི་ནི་རྗེ་མལ་གྱི་ཁྱད་ཆོས་གལ་ཆེ་ཤོས་དེ་ཡིན། མཐུན་རྐྱེན་འདི་རྗེ་མལགྱིས་སྔ་ས་ན་རང་སྒྲིག་བྱས་ཡོད་སྟབས་ཁྱེད་ཀྱིས་བསྐྱར་དུ་སྒྲིག་བཟོ་བྱེད་མི་དགོས། ཡིན་ཡང་གློག་འཕྲིན་སྒྲིག་བཟོའི་ནང་དུ་ག་དུས་ཡིན་ཡང་https་ནང་ཁ་ཕྱེ་མིན་གྱི་གདམ་ག་ཡོད་པས། ཁྱེད་ཀྱིས་གདམ་ག་དེ་ཡང་སྒྲིག་བཟོ་བྱས་ཡོད་མེད་ལྟ་རྒྱུ་ཧ་ཅང་གལ་ཆེ། ཡ་ཧོ་(Yahoo)དང་ཧོ་ཁྲི་མེལ་(Hotmail)ལ་སོགས་པའི་གློག་འཕྲིན་གྱི་མཐུན་རྐྱེན་སྦྱོར་མཁན་མང་ཆེ་བས་ཁྱེད་ཀྱིས་ཁ་བྱང་དང་གསང་ཚིག་རྒྱག་སྐབས་མ་གཏོགས་https གྱི་མཐུན་རྐྱེན་སྤྲོད་ཀྱི་མེད། ཁྱེད་རང་སོ་སོའི་ཡིག་སྒམ་ནང་འཛུལ་སྐབས་དང་། ཡིག་སྒམ་ནང་ཡི་གེ་ཀློག་པ་དང་གཏོང་བ། འབྱོར་བ་སོགས་ཀྱི་སྐབས་སུ་དྲ་རྒྱའི་ཁ་བྱང་འབྲི་སའི་སྒམ་ཆུང་ནང་http ལས་S་་མེད་པ་ཡིན་ན་ཁྱེད་ཀྱི་གློག་འཕྲིན་གྱི་ཉེན་སྲུང་གི་ནུས་པ་བརླག་ཚར་བ་རེད་ལ་གནས་སྟངས་དེའི་འོག་ནས་མི་གཞན་གྱིས་ལས་སླ་པོའི་ངང་ཁྱེད་ཀྱི་ཡིག་སྒམ་ནང་འཛུལ་ཏེ་གསང་བ་ཡོད་ཚད་ལྟ་ཀློག་བྱེད་ཐུབ་པ་ཡིན། གཉིས་པ། རྗེ་མལ་ནང་ཁྱེད་ཀྱིས་ཉེ་ལམ་གྱི་བྱེད་སྒོ་ཡོད་ཚད་ལ་ཞིབ་ཕྲ་བལྟ་ཐུབ། རྗེ་མེལ་ལ་གཞན་དང་མ་འདྲ་བའི་མཐུན་རྐྱེན་གཞན་ཞིག་ཡོད་པ་ནི་ཁྱེད་ཀྱིས་རང་ཉིད་ཀྱི་གློག་འཕྲིན་གྱི་ཁ་ཕྱེ་རྗེས། གློག་འཕྲིན་དྲ་ངོས་གཡས་ཕྱོགས་ཀྱི་སྣེ་མོ་རུ་ཡོད་པའི་ཡི་གེ་detail ཞེས་པ་དེའི་སྒང་ལ་བསྣུན་ན། ཉེ་ལམ་ཁྱེད་ཀྱི་གློག་འཕྲིན་ས་གནས་གང་དང་དུས་ཚོད་ག་ཚོད་ཐོག་ལ་ཁ་ཕྱེ་ཡོད་མེད་སོགས་ཞིབ་ཕྲ་བལྟ་ཐུབ།་གལ་ཏེ་ཁྱེད་ཀྱིས་གློག་འཕྲིན་ངོས་སུ་ཉེན་བརྡ་གཏོང་བའི་འདམ་ག་བསྒྲིགས་ཡོད་ཚེ།… Continue reading →